Atención á Cidadanía

É a unidade administrativa responsable de atender e asesorar aos usuarios/as dos servizos sanitarios públicos do SERGAS na nosa Área Sanitaria de Vigo, coas funcións seguintes:

Orientar aos pacientes e familiares cando acoden ou ingresan nos centros sanitarios
Tutelar o cumprimento dos dereitos dos/as pacientes e usuarios/as
Atender, tramitar e impulsar todas as queixas, reclamacións e suxestións que se presenten polos/as usuarios/as
Propoñer resolucións sobre as queixas, así como actuacións de tutela de acordo á lexislación vixente
Velar polo cumprimento das obrigacións e das normas respecto aos pacientes e familiares
Recoller e tramitar as solicitudes de documentación clínica que se formulen polos usuarios
Xestionar as reclamacións dos usuarios, comunicando os seu resultados á Dirección da Área Sanitaria de Vigo

As oficinas do Servizo de Atención á Cidadanía rexistrarán todas as reclamacións que ante eles se formulen, con independencia do centro destinatario da queixa, ao cal será remitido por estas con posterioridade.

Na nosa Área Sanitaria de Vigo, o Servizo de Atención á Cidadanía está dimensionado para atender, coa máxima da eficiencia posible, as reclamacións que se presenten polos usuarios.

Para a atención personalizada, as oficinas están situadas:

No Hospital Álvaro Cunqueiro - Planta 0, Vela B, en horario de atención de 9.30 a 13.30 horas
No Hospital Meixoeiro - Planta 2ª, edificio principal, en horario de atención de 09.30 a 13.30 horas

Non obstante informámoslle tamén que, a tramitación das reclamacións na Área Sanitaria de Vigo está centralizada informaticamente, de tal xeito que se o prefire, independentemente do Hospital, centro ou servizo ao que se refira a reclamación a pode presentar:

En calquera centro da saúde da Xerencia, durante o horario de apertura do mesmo
Por escrito, ante calquera Rexistro Oficial da Administración
Por internet durante as 24 horas do día, se dispón de certificado dixital ou CHAVE365, a través do sistema CONTACTE

h1